Yunanıstanda 15 yaşdan aşağı uşaqlar üçün sosial mediaya giriş qadağan ediləcək.
Məlumata görə, ölkənin Baş naziri Kiriakos Mitsotakis bildirib ki, yeni qayda 1 yanvar 2027-ci ildən qüvvəyə minəcək.
Qərarın əsas səbəbi kimi uşaqlar arasında artan narahatlıq pozuntuları, yuxu problemləri və sosial şəbəkə asılılığı göstərilir. Baş nazir qeyd edib ki, bu addım çətin olsa da, zəruridir.
Mitsotakis vurğulayıb ki, məqsəd yalnız ölkə daxilində deyil, həm də Avropa İttifaqı səviyyəsində oxşar təşəbbüslərin təşviq olunmasıdır.
O, uşaqlara müraciətində bildirib ki, bu qərar ilk baxışda narazılıq doğura bilər, lakin gələcəkdə onun müsbət təsirləri daha aydın görünəcək.
Həmçinin qeyd olunub ki, qərarın qəbulunda kiberzorakılıq hallarının artması da mühüm rol oynayıb. Statistikaya görə, ölkədə fəaliyyət göstərən yardım mərkəzinə müraciət edənlərin 70 faizini ibtidai sinif yaşında olan uşaqlar təşkil edir.
Mənbə: TrtHaber