Bugun.tv olaraq hər zaman Azərbaycanın müxtəlif idman növləri üzrə məşqçilərinin tanıdılmasına şərait yaradırıq. “Onları siz də tanıyın” rubrikasının qonağı bu dəfə “Zəfər” Vinq Çun İdman Klubunun üzvü Nurcan Məlikzadədir.
“Adım Nurcan Məlikzadədır. 14 yaşım var. 236 saylı tam orta məktəbdə oxuyuram. Artıq 2 aydır ki, Vinq Çun döyüş sənəti ilə məşğul oluram. Bura uşaqlıqdan bəri böyük həvəsim olub. Mənim bu döyüşü seçməkdə məqsədim özünümüdafiəni bacarmaqdır. Kimsə mənə qarşı kobudluq göstərdikdə özümü müdafiə etmək istəyirəm”.
“Buradan həmyaşlarımada demək istəyirəm ki, kimsə kobudluq göstərdikdə özlərini müdafiə etməyi bacarmaları üçün Vinq Çun döyüş sənəti ilə məşğul olmağa gəlsinlər. Ən böyük arzum gələcəkdə yarışlara qatılım, Azərbaycanı təmsil edim”.
“Bizim müəllimimiz olan Azər Sahiblidən danışmaq istəyirəm. Bizim orta məktəb dərslərimizlədə maraqlanır. Uşaqlara qarşı kobudluq göstərmir. Çox yaxşı və çox mehriban müəllimdir. Gələcəkdə Azər Sahibi kimi tələbələrimin olmasını istərdim. Məqsədim onlara Vin Çun sənətini sevdirmək və öyrətməkdir”.