Queensland Universiteti tərəfindən aparılan araşdırma Z nəsli ilə daha yaşlı işçilər arasında ciddi fikir ayrılıqlarının olduğunu göstərib.
Tədqiqat nəticələrinə görə, gənc əməkdaşlar yaşlı həmkarlarını çox vaxt yeniliklərə qapalı, öyrənməyə meyilsiz və peşəkar baxımdan zəif hesab edirlər. Araşdırmanın müəllifi Çed Çiu bildirib ki, şirkətlərdə “yatay iyerarxiya” modelinin yayılması bu qarşıdurmanı daha da gücləndirir.
Sorğular Avstraliya və Tayvanda aparılıb və nəticələr gənclərin yaşlı həmkarlarına daha az güvəndiyini ortaya qoyub. Eksperimentlər də bu tendensiyanı təsdiqləyib – gənclər yaşlı mütəxəssislərin peşəkar bacarıqlarını aşağı qiymətləndiriblər.
Araşdırmada həmçinin qeyd olunur ki, gənclər çox vaxt kifayət qədər məlumat olmadan yalnız yaş faktoruna əsaslanaraq nəticə çıxarırlar. Sosial mediada, xüsusilə TikTok platformasında paylaşılan şikayətlər də bu fikirləri təsdiqləyir.
Mütəxəssislər hesab edir ki, nəsillərarası anlaşmazlığın aradan qaldırılması üçün iş yerlərində daha balanslı yanaşma və qarşılıqlı anlayış vacibdir.
Mənbə: TGRTHaber