Bugun.tv xəbər verir ki, Azərbaycan ədəbiyyatında özünəməxsus yeri olan ədiblərimizdən Əhməd Cavadın 131 illiyi qeyd olunur. Onun ədəbi yaradıcıllığının ən parlaq dövrü Cümhuriyyət illərinə təsadüf edir. Zəfərlərdə, əlamətdar günlərdə köksümüz qabara-qabara oxuduğumuz Azərbaycan himninin sözlərini Əhməd Cavad məhz həmin illərdə qələmə alıb. Azərbaycanda Sovet hakimiyyət qurulduqdan sonra xalqımızın digər istedadlı ziyalıları kimi o da repressiyaya məruz qalıb.
Xatırladaq ki, Əhməd Cavad 1892-ci il may ayının 5-də Gəncə qəzasının Şəmkir dairəsinin Seyfəli kəndində anadan olub. 1918-1920-ci illərdə Azərbaycan Xalq Cümhuriyyəti dövründə yazdığı Azərbaycan Dövlət Himninin sözlərinin və “Çırpınırdı Qara dəniz” adlı məşhur şeirin müəllifi olub.
Dahi şair Ə.Cavad repressiya dövründə – 1937-ci ilin 12 oktyabr tarixində, 45 yaşında öldürülüb.
Doğum günündə ədibimizi hörmətlə anırıq!
Müxbir: Aynur Ruslan