Norveç casusluqda ittiham olunan 15 rusiyalı diplomatı ölkədən çıxaracaq.
Bugun.tv xəbər verir ki, bu barədə Norveçin xarici işlər naziri Anniken Huitfeldt məlumat yayıb.
“Rus kəşfiyyatının ölkəmizdəki təsirini azaltmaq və bununla mübarizə aparmaq, milli maraqları təmin etmək üçün mühüm tədbir görməliyik”,- nazir bildirib.
Huitfeldt “Persona non qrata” elan edilən 15 rus diplomatın bir an əvvəl ölkəni tərk etmələri lazım olduğunu vurğulayıb. O, qeyd edib ki, Norveçə keçmək üçün müraciət edən kəşfiyyat işçilərinə viza verilməyəcək.
Nazir bildirib ki, ölkənin Daxili Kəşfiyyat Xidməti bu barədə lazımi açıqlama yayacaq.
Mənbə: TRT haber