Bugun.tv xəbər verir ki, Yaponiyanın şimal bölgəsi olan Hokkaydo sahillərində 6,2 bal gücündə zəlzələ baş verib.
Yaponiya Meteorologiya Agentliyinin (JMA) məlumatına görə, seysmoloji hadisə Hokkaydo adasının Urakava sahillərində baş verib. 140 kilometr dərinlikdə olan zəlzələdən sonra bölgəyə nəhəng dalğa xəbərdarlığı edilməyib. Zəlzələ bütün Hokkaydo və Aomori, İvate və Miyaqi əyalətlərində hiss olunub.
Hokkaydo Elektrik Enerjisi (HEPCO) əyalətdəki Tomari Atom Elektrik Stansiyasında heç bir anomal halın qeydə alınmadığı bildirib.
Mənbə: TRT Haber