Peşə festivalında Bugun.tv-yə müsahibə verən layihə rəhbəri Eltəkin Ömərov gənclərin peşə təhsilinə marağının əvvəlki illərə nisbətən daha çox olduğunu vurğulayıb. O, 1 il ərzində peşə festivalında kifayət qədər irəliləyiş və inkişaf olduğunu deyib.
“Birinci dəfə keçirdiyimiz festivalda təəssüflər olsun ki, yerimiz bir az balaca, göstərəcəyimiz məhsullar isə daha az idi. İkinci festivalda isə gördüyünüz kimi yerimiz daha da genişdir. Düşünürəm ki, biz 2-ci festivalda peşə təhsilində olan inkişaf və yenilikləri daha geniş formatda göstərməyi bacardıq. Təəssüflər olsun ki, əvvəllər sovet dövründə cəmiyyətdə peşə təhsili ilə bağlı mənfi fikirlər var idi. İllər
keçdikcə 2016-cı ildən etibarən cənab prezidentin göstərişi ilə agentlik yarandı. Bu agentlik maksimum səviyyədə çalışır ki, peşə təhsilini gənclərimizə tanıtsın və onlar peşə təhsilinə gələrək, bu təhsili öyrənib daha yaxşı bacarıqlar əldə etsinlər”, – E.Ömərov bildirib.
Sonda E.Ömərov gənclərə peşə təhsilinə gələrək daha yaxşı bacarıqlar əldə etməyi tövsiyə edib.
Müxbir: İntizar Əmirova