Yaponiyada 4 yük maşını və 3 minik avtomobilinin qarışdığı zəncirvari qəzada 4 avtomobilin alovlara təslim olduğu və çoxlu sayda ölən və yaralananın olduğu bildirilib.
Yaponiyanın Saitama prefekturası fəlakətli zəncirvari qəzanın şahidi olub. Toda şəhərinin Şuto şossesi ilə hərəkət edən 4 yük maşını və 3 minik avtomobili yerli vaxtla saat 07.30 radələrində naməlum səbəbdən toqquşub.
Qəzadan sonra 3 minik avtomobili və 1 yük maşını alovlara təslim olub, hadisə yerinə çoxlu sayda yanğınsöndürən və sağlamlıq qrupu sövq edilib. Qısa müddətdə alovu söndürən qruplar yanan avtomobillərdə sıxışıb qalan 3 nəfərin həyatını itirdiyini, 2 nəfərin isə yaralandığını açıqlayıb.
Qəzanın digər avtomobilləri vuraraq törətdiyi ehtimal edilən yük maşını sürücüsü hadisə yerində saxlanılıb. Qəzaya görə müvəqqəti olaraq nəqliyyatın hərəkətinə bağlanan magistral yolda uzun avtomobil növbələri yaranarkən, hadisə ilə bağlı ətraflı araşdırma başladılıb.
Mənbə: TGRT