Bugun.tv xəbər verir ki, Diyarbakır İl Təhlükəsizlik Müdirliyi Narkotik Cinayətlərlə Mübarizə Şöbə Müdirliyi tərəfindən sentyabr ayı ərzində şəhər daxilində həyata keçirilən 92 əməliyyatda nəzarətə alınan 537 şübhəlidən 103-ü həbs edilib.
TRT Haber-in məlumatına görə, narkotik Cinayətlərlə Mübarizə Şöbə Müdirliyi qrupları tərəfindən sentyabr ayı ərzində şəhər daxilində həyata keçirilən 92 əməliyyatda 537 şübhəli nəzarətə alındı. Küçə cinayətləri və digər araşdırmalar çərçivəsində “istifadə üçün narkotik və ya stimullaşdırıcı maddələr almaq, qəbul etmək və ya saxlamaq” ittihamı ilə 378 şübhəli sərbəst buraxılıb.
“Narkotik və ya stimullaşdırıcı maddələrin qanunsuz dövriyyəsi və ya tədarükü” və 2313 SKM cinayəti ilə ittiham edilərək məhkəmə orqanlarına sövq edilən 159 şübhəlidən 31-i sərbəst buraxılarkən, 25 şübhəli isə məhkəmə nəzarəti şərti ilə sərbəst buraxılıb. Əməliyyatlar zamanı tutulan 103 şübhəli həbs olundu. Əməliyyatlar zamanı müxtəlif növ narkotik vasitələr, 2 ədəd dəqiq tərəzi, 9 ədəd sənədsiz tapança, 4 ədəd sənədsiz ov tüfəngi və 336 ədəd müxtəlif diametrli patron götürülüb.
Müxbir: İntizar Əmirova