ABŞ Prezidenti Donald Trump Böyük Britaniya Kralı Kral III Çarlz və həyat yoldaşı Kraliça Kamillanı Ağ Evdə rəsmi mərasimlə qarşılayıb.
Ağ Evin bağçasında yüksək protokol səviyyəsində təşkil olunan mərasimdə Tramp və həyat yoldaşı Melaniya Tramp qonaqları salamlayıb. Daha sonra liderlər hərbi bölmələri yoxlayıb və hər iki ölkənin himnləri səsləndirilib.
Çıxışı zamanı Tramp ABŞ ilə Böyük Britaniya arasındakı tarixi və strateji əlaqələrə diqqət çəkərək bildirib: “Amerikalıların ingilislərdən daha yaxın dostu yoxdur.” O, iki ölkə arasında münasibətlərin möhkəm təməllərə söykəndiyini və bu əlaqələrin davamlı inkişaf etdiyini vurğulayıb.
ABŞ-ın müstəqilliyinin 250 illiyinin qeyd olunacağını xatırladan Tramp bunun “bir qədər ironik” göründüyünü desə də, amerikalıların ingilis kökləri ilə fəxr etdiyini qeyd edib.
Görüş, ABŞ ilə Böyük Britaniya arasında bəzi siyasi məsələlər, o cümlədən İran mövzusu ətrafında fikir ayrılıqlarının yaşandığı bir dövrə təsadüf edir.
Mərasimdən sonra liderlərin proqramı qapalı formatda davam edib. Kral III Çarlzın həmçinin ABŞ Konqresinin birgə iclasında çıxış edəcəyi gözlənilir.
Mənbə: TrtHaber