Bugun.tv xəbər verir ki, ABŞ Müdafiə Nazirliyi — “tanınmayan uçan obyektlər” (UFO) və “Tanınmayan Hava Fenomeni” (UAP) ilə bağlı yeni sənədlərin ictimaiyyətə təqdim olunmasına start verildiyini açıqlayıb.
Donald Trumpın göstərişinə əsasən başlanan proses çərçivəsində UAP-lə bağlı dövlət arxivlərindəki materialların müəyyənləşdirilməsi və onların məxfilik dərəcəsinin aradan qaldırılması nəzərdə tutulur.
Açıqlamada bildirilib ki, bu proses yalnız Amerika Birləşmiş Ştatları Müdafiə Nazirliyi — tərəfindən deyil, həmçinin Ağ Ev, Milli Kəşfiyyat Direktorunun Ofisi, Amerika Birləşmiş Ştatları Energetika Nazirliyi, NASA və Federal Təhqiqat Bürosunun iştirakı ilə həyata keçirilir.
Rəsmi məlumata görə, məxfiliyi aradan qaldırılmış sənədlər xüsusi təhlükəsizlik icazəsi tələb olunmadan açıq istifadəyə verilib. Pentaqon əlavə edib ki, proses mərhələli şəkildə davam etdiriləcək və yaxın vaxtlarda yeni materiallar da ictimaiyyətə təqdim olunacaq.
İlk mərhələdə yayımlanan 162 sənəddən ibarət arxivdə istintaq qeydləri, şahid ifadələri və ictimaiyyətə açıq hesabatlar yer alıb.
Mənbə: TrtHaber