Alimlər tərəfindən aparılan yeni araşdırma göstərib ki, insanların gündəlik danışıq tərzi erkən demensiya riskini müəyyən etməyə kömək edə bilər. Tədqiqat zamanı danışıqda tez-tez fasilələrin yaranması, “eee” kimi doldurucu ifadələrin çox işlədilməsi və söz tapmaqda çətinlik çəkmənin beyin fəaliyyətindəki dəyişikliklərlə əlaqəli olduğu müəyyən edilib.
Mütəxəssislərin sözlərinə görə, bu əlamətlər xüsusilə Alzheimer və digər yaddaş pozğunluqlarının ilkin mərhələsində ortaya çıxa bilər. Araşdırmada qeyd olunur ki, insanın danışıq ritmi və söz seçimi beynin sağlamlıq vəziyyəti barədə mühüm məlumat verir.
Tədqiqatçılar hesab edir ki, gələcəkdə nitq analizləri vasitəsilə demensiyanın erkən diaqnostikası daha sürətli və əlçatan ola bilər. Bu üsulun xüsusilə yaşlı insanların müayinəsində faydalı olacağı bildirilir.
Mənbə: ScienceDaily