Bugun.tv xəbər verir ki, 24 oktyabr 2026-cı il tarixində Nizami Kino Mərkəzində “Mikrosahibkarların Forumu” keçiriləcək. Saat 10:00-da başlayacaq forum 500 nəfərlik auditoriya üçün nəzərdə tutulub.
Forum Azərbaycanda fəaliyyət göstərən mikrosahibkarlar, eləcə də sahibkarlıq fəaliyyətinə yeni başlayan şəxslər üçün təşkil olunur. Tədbirin əsas məqsədi iştirakçılara praktik biliklər qazandırmaq, real biznes təcrübələrini bölüşmək və peşəkar əlaqələr yaratmaq üçün imkan yaratmaqdır.
Forumun konsepti “Möhkəm Təməl • Güclü Brend • Uğurlu Sahibkar” prinsipi üzərində qurulub. Proqram çərçivəsində sahibkarlıq fəaliyyəti üçün vacib olan üç əsas istiqamətə diqqət yetiriləcək. Bunlara psixoloji hazırlıq, hüquqi və maliyyə əsasları, həmçinin marketinq və satış daxildir.
Tədbirdə 9 ekspert və praktik mütəxəssisin iştirakı nəzərdə tutulur. Forum çərçivəsində 3 panel müzakirəsinin keçirilməsi planlaşdırılır. Müzakirələr zamanı sahibkarların qarşılaşdığı əsas çətinliklər, biznesin qurulması və inkişaf etdirilməsi yolları, brendin formalaşdırılması və satış imkanlarının artırılması kimi mövzulara toxunulacaq.
Forumun 500 nəfərlik sahibkar auditoriyasını bir araya gətirməsi gözlənilir