Rusiya Dövlət Dumasının sədri Vyaçeslav Volodin Azərbaycan Milli Məclisinin sədri Saqifə Qafarova ilə görüşündə bəyan edib ki, Avropa strukturlarını, xüsusən də Avropa Parlamenti və AŞPA-nı Dağlıq Qarabağdakı vəziyyətin nizamlanmasına yönəlmiş proseslərə cəlb etmək cəhdlərindən çəkinmək lazımdır.
“Güman etmək lazımdır ki, Rusiya, Ermənistan və Azərbaycan liderləri səviyyəsində verilən qərar var. Biz bunu rəhbər tutacağıq və bu razılaşmaların həyata keçirilməsi üçün əlimizdən gələni edəcəyik. Avropa institutlarının cəlb olunmasının lehinə bəyanatlar verənlər isə sadəcə olaraq ölkəni itirə bilərlər”, – Volodin bildirib.
Rusiya Dövlət Duması prezidentinin fikrincə, AŞPA və Avropa Parlamentinin bu işə cəlb olunması “Dağlıq Qarabağ probleminin həllində vəziyyəti gərginləşdirəcək, yeni problemlər yaradacaq və əgər bu həyata keçirilərsə onda iştirak edənlər bütün nəticələrə görə məsuliyyət daşımalıdırlar.”