Bugun.tv xəbər verir ki, Prezident Rəcəb Tayyib Ərdoğan seçkilərdən sonra ilk xaricə səfərini Şimali Kipr Türk Respublikası (ŞKTC) və Azərbaycan Respublikasına edəcək.
İlk səfərin vaxtı artıq müəyyənləşib. Ərdoğan 12 iyun bazar ertəsi KKTC-yə səfər edəcək. Türkiyə Prezidenti KKTC prezidenti Ersin Tatar və baş nazir Ünal Üstel ilə görüşəcək. Təkbətək görüş və iş yeməyindən sonra Prezident sarayında Tatarla birgə mətbuat konfransı olacaq. Görüşlərdə Kiprlə bağlı gələcəkdə atılacaq addımların qiymətləndirilməsi və Şərqi Aralıq dənizindəki hadisələrin müzakirəsi gözlənilir.
Prezident Ərdoğan iyunun 13-də isə Azərbaycana səfəri edəcək. Səfər çərçivəsində Prezident İlham Əliyevlə təkbətək və heyətlərarası görüşlər keçirəcək.İkitərəfli münasibətlərin yaxşılaşdırılması istiqamətində atılacaq addımların və iki ölkə arasında əməkdaşlıq sahələrinin müzakirə olunacağı görüşlərdə regional və beynəlxalq hadisələrlə bağlı fikir mübadiləsi aparılacaq.
Mənbə: TRT Haber