İranın xarici işlər naziri Abbas Əraqçi ABŞ tərəfindən Hörmüz boğazında tətbiq edilən dəniz blokadasına sərt reaksiya verib.
Nazir bildirib ki, İran limanlarının blokadaya alınması faktiki olaraq müharibə addımıdır və bu, mövcud atəşkəsin pozulması deməkdir. O, həmçinin qeyd edib ki, ticarət gəmilərinə müdaxilə və ekipajın saxlanılması daha ciddi qanun pozuntusudur.
Əraqçi vurğulayıb ki, İran bu cür təzyiqlərlə necə mübarizə aparacağını, milli maraqlarını necə qoruyacağını və “zorakılığa qarşı necə dayanacağını” yaxşı bilir.
Bundan əvvəl Donald Tramp İran bayrağı altında üzən “Touska” adlı gəminin saxlanıldığını açıqlamışdı. Məlumatlara görə, İran tərəfi buna cavab olaraq ABŞ-a məxsus bəzi hərbi gəmilərə pilotsuz uçuş aparatları ilə hücum edib.
Eyni zamanda, İran qüvvələrinin Hörmüz boğazına yaxınlaşan Hindistan bayraqlı iki gəmini atəş açaraq geri dönməyə məcbur etdiyi bildirilir.
Mənbə: TrtHaber