ABŞ prezidenti Donald Trump İranla bağlı sərt bəyanatla çıxış edib. Onun sözlərinə görə, əgər Hürmüz boğazı üzərində tətbiq olunan blokada aradan qaldırılsa, İranla razılaşma əldə etmək mümkün olmayacaq.
Tramp sosial media platforması Truth Social üzərindən etdiyi paylaşımda bildirib ki, İran əslində boğazın açıq qalmasını istəyir, çünki bu, ölkəyə gündəlik böyük gəlir gətirir. O iddia edib ki, Tehran rəhbərliyi yalnız “imicini qorumaq” üçün boğazın bağlanmasını istədiyini deyir.
Eyni zamanda Tramp vurğulayıb ki, əgər ABŞ blokadanı aradan qaldırsa, o halda İranla yalnız çox sərt şərtlərlə – hətta ölkə rəhbərliyinə qarşı hərbi addımlar daxil olmaqla – razılaşma mümkün ola bilər.
Bundan əvvəl isə Tramp İranla əldə olunmuş atəşkəsin danışıqlar yekunlaşana qədər uzadıldığını açıqlayıb. Bununla yanaşı, ABŞ ordusuna Hürmüz boğazındakı blokadanı davam etdirmək və yüksək hazırlıq vəziyyətində qalmaq göstərişi verildiyini qeyd edib.
Mənbə: Ensonhaber