Bugun.tv xəbər verir ki, ABŞ Silahlı Qüvvələrinin Mərkəzi Komandanlığı (CENTCOM) İran ərazisində İran İslam İnqilabı Keşikçiləri Korpusuna (SEPAH) məxsus onlarla hərbi obyektə zərbələr endirdiyini açıqlayıb. Əməliyyat Yaxın Şərqdə gərginliyin artdığı və münaqişənin daha geniş əraziyə yayılması təhlükəsinin gücləndiyi bir vaxta təsadüf edib.
ABŞ hərbçilərinin məlumatına görə, təxminən iki saat davam edən əməliyyat zamanı raket və pilotsuz uçuş aparatları üçün istifadə olunan obyektlər, komanda mərkəzləri, sahil müdafiə sistemləri və digər hərbi infrastruktur hədəfə alınıb. Vaşinqton bildirib ki, zərbələr ABŞ qüvvələrinə qarşı həyata keçirilən son raket hücumlarına cavab xarakteri daşıyır və məqsəd bölgədəki Amerika qüvvələrini qorumaqdır.
İran rəsmiləri bəzi ərazilərdə dağıntılar və itkilərin olduğunu bildiriblər. İran mediasının məlumatına görə, Kişm adasında zərbələr nəticəsində yaşayış binası da zədələnib. ABŞ isə bu iddialarla bağlı hələlik rəsmi münasibət açıqlamayıb.
Analitiklər hesab edirlər ki, son hadisələr Yaxın Şərqdə vəziyyəti daha da gərginləşdirə və regionda daha genişmiqyaslı qarşıdurma riskini artıra bilər. Diplomatik səylərin davam etməsinə baxmayaraq, tərəflər arasında gərginlik yüksək olaraq qalır.
Mənbə: ABC News