ABŞ rəhbərliyinin İsraildən İrana qarşı gözlənilən hücumunu yumşaltmasını istədiyi iddia edilib. İsrailin Kanal 13 televiziyasında yayımlanan xəbərdə İsrailin İrana mümkün hücumu ilə bağlı bəzi iddialar yer alıb.
Adı açıqlanmayan mənbəyə əsaslanan xəbərdə ABŞ-ın İsraildən İrana mümkün hücumunu yumşaltmasını istədiyi iddia edilib.
Bildirilib ki, Vaşinqton həmçinin Təl-Əvivdən Livanda qurudan hücumların tamamlanmasını “sürətləndirməyi” istəyib.
Digər tərəfdən, İsrailin “Kanal 12” televiziyası Tel-Əvivin İrana mümkün hücum planının hazır olduğunu və bunun “bir neçə günə” təşkil ediləcəyini iddia edib.
Adı açıqlanmayan İsrail rəsmilərinə əsaslanan xəbərdə, Təl-Əvivin mümkün hücumdan sonra İranın “dərhal cavab verəcəyini” gözlədiyi bildirilib.
Hər iki xəbərlə bağlı İsrail rəsmilərindən heç bir rəsmi açıqlama verilməyib.
İran oktyabrın 1-də İsrailə raket zərbəsi endirib. Təl-Əviv rəhbərliyi İranın bu hücuma cavab verəcəyini açıqlamışdı.
Mənbə: Anadolu Agentliyi (AA)