ABŞ və İranın son hərbi gərginlikdən sonra Qətərdə danışıqları bərpa etməyə hazırlaşdığı bildirilir.
Bugun.tv xəbər verir ki, bu barədə Al Jazeera diplomatik mənbələrə istinadən məlumat yayıb.
Məlumata görə, tərəflər son günlər qarşılıqlı hərbi əməliyyatların intensivliyini azaltmaq fonunda diplomatik təmasları yenidən aktivləşdirməyə çalışırlar. Danışıqların əsas mövzuları Hürmüz boğazında təhlükəsizlik, atəşkəsin qorunması və regionda gərginliyin daha da artmasının qarşısının alınması olacaq.
Bununla belə, İran rəsmiləri Qətərdə yeni danışıqların başlanacağı barədə yayılan məlumatları hələlik rəsmi şəkildə təsdiqləməyiblər.
Məlumatda qeyd olunur ki, vasitəçilik səylərində Qətər mühüm rol oynayır və tərəflər arasında diplomatik kanalların açıq saxlanılması istiqamətində iş aparılır.
Yaxın Şərqdə son hadisələr fonunda mümkün danışıqların regionda sabitliyin bərpası baxımından əhəmiyyətli addım ola biləcəyi vurğulanır.
Mənbə: Al Jazeera