Alimlər insanın bədənindəki incə tüklərə toxunarkən yaranan qaşınma hissəsinin səbəbini izah edən yeni sinir sistemini müəyyən ediblər. Araşdırmaya görə, incə tüklərlə əlaqəli xüsusi sinir hüceyrələri mexaniki qaşınmanı qəbul etmək üçün ayrıca bioloji sistem yaradır. Bu kəşf xroniki qaşınma xəstəliklərinin müalicəsində yeni yanaşmaların hazırlanmasına imkan yarada bilər. Bu barədə ScienceDaily məlumat yayıb.
Tədqiqatçılar bildiriblər ki, indiyədək qaşınmanın əsasən dəridəki iltihab və ya kimyəvi maddələrin təsiri nəticəsində yarandığı düşünülürdü. Yeni araşdırma isə göstərib ki, insan bədənindəki incə tüklər və onlarla əlaqəli xüsusi sinir hüceyrələri yüngül toxunuşları ayrıca siqnal kimi qəbul edərək beyinə ötürür. Bu mexanizm xüsusilə ekzema və digər xroniki dəri xəstəliklərində müşahidə olunan davamlı qaşınmanın səbəblərinin daha yaxşı anlaşılmasına kömək edə bilər.
Alimlərin sözlərinə görə, əldə olunan nəticələr gələcəkdə mexaniki qaşınmanı hədəfləyən yeni dərmanların hazırlanmasına zəmin yarada bilər. Onlar hesab edirlər ki, bu sinir yolunun bloklanması xroniki qaşınmadan əziyyət çəkən milyonlarla insan üçün daha effektiv müalicə üsullarının inkişafına imkan verəcək. Araşdırmanın nəticələri nüfuzlu Neuron jurnalında dərc olunub.
Mənbə: Science Daily