Dünya

Alman institutları İsrail hücumlarını qiymətləndirdi

Almaniyada sülh üzərində işləyən dörd tədqiqat institutu İsrailin Qəzzaya qarşı qeyri-insani hücumlarının özünümüdafiə hüququndan istifadə həddini aşdığını və “dözülməz” olduğunu şərh edib.

İsrailin Qəzzada həyata keçirdiyi qeyri-insani qırğınlar dünyanın gündəmindədir.

Çoxlu küçə nümayişlərinə və etirazlara səbəb olan İsrail qırğınlarına təhsil müəssisələri və qeyri-hökumət təşkilatları da reaksiya verir.

Bu çərçivədə Almaniyada sülh üzərində işləyən 4 araşdırma institutu İsrailin Qəzza zolağına hücumlarının özünümüdafiə hüququndan istifadə həddini keçdiyini və bu vəziyyətin “dözülməz” olduğunu bildirib.

Hamburq Universitetinin Sülh Araşdırmaları və Təhlükəsizlik Siyasəti İnstitutunun (IFSH) professoru. Dr. Ursula Şröder, Leybniz İnstitutu Hessen Sülh və Münaqişələrin Tədqiqatı Fondundan Prof. Dr. Kristofer Daase, Duisburg-Essen Universitetinin İnkişaf və Sülh İnstitutundan (INEF) Dr. Tobias Debiel, PhD, Bonn Beynəlxalq Münaqişə Araşdırmaları Mərkəzi (BICC) Conrad Schetter 2024-cü il sülh araşdırması hesabatını ictimaiyyətə açıqlayıb.

“İsrailin hücumları dözülməzdir”

Ursula Şröder çıxışında İsrailin Qəzza zolağına hücumlarının özünümüdafiə hüququndan istifadə həddini keçdiyini və bu vəziyyətin “dözülməz” olduğunu bildirib.

 “Bu, beynəlxalq humanitar hüququ pozur”

Şröder, “İsrail özünümüdafiə hüququndan istifadə etməkdən kənara çıxır və beynəlxalq humanitar hüququ pozur. Buna görə də federal hökumət Qəzzada ifrat dağıntılara, köçkünlərə, ölümlərə və aclığa məruz qalan Fələstin xalqının maraqlarını güclü şəkildə müdafiə etməlidir. Beynəlxalq humanitar hüququn qaydalarına, xüsusən də “Hərbi zərurət və hərbi əməliyyatların mütənasibliyi prinsiplərinə əməl edilməlidir” deyib.

Almaniya hökumətini beynəlxalq məhkəmələrin qərarlarına əməl olunmasını təmin etməyə çağıran Şröder, Qəzzada istifadə oluna bilən atıcı silahların satışının və ya daşınmasının müharibənin sonuna qədər dayandırılmasını tələb edib.

Şröder bildirib ki, uzunmüddətli siyasi həllin doğru yolu Fələstinin müstəqil dövlət kimi tanınmasıdır.

Mənbə: EnSonHaber

Aynur Camal

Oxşar xəbərlər

Yanvarda İsrail ordusunun Qəzzaya hücumu nəticəsində 14 jurnalist həlak oldu

Kəmalə Sultan

Yaponiyada zəlzələdən sonra nüvə stansiyasında suyun səviyyəsi qalxdı

İntizar Əmirova

Zelenski üzərində silah gəzdirdiyini söylədi

Nigar Məmmədova

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu