Bugun.tv xəbər verir ki, Fransız brendi Balenciaga çips paketi şəklində çanta buraxıb. Müvafiq məhsul moda evinin rəsmi saytında yerləşdirilib.
Söhbət dana dərisindən hazırlanmış və antik gümüş fitinqlərlə bəzədilmiş aksessuardan gedir. Təsvirə görə, məhsulun bir bölməsi var və üç versiyada mövcuddur. Belə ki, mavi çantanın üzərində sirkə və duz təsviri, sarı torbanın üzərində isə pendir və soğan təsvir olunub. Qırmızı model isə öz növbəsində acı bibər dizaynına malikdir.
Bu qarderob əşyasının qiyməti 1750 dollardır.
Bundan əvvəl rusiyalı stilist və teleaparıcı Aleksandr Roqov dəbdəbəli Balenciaga brendindən 272 min rubla yeni çanta nümayiş etdirərək şəbəkə istifadəçilərini əyləndirmişdi. Söhbət balaca dabanlı kazak çəkmələri formasında olan dəri çantadan gedirdi.
Mənbə lenta.ru