Bugun.tv xəbər verir ki, Yaponiyada “Beni-koji” pəhriz əlavəsinin qəbulu səbəbindən həyatını itirənlərin sayı 4-ə yüksəlib.
Kobayashi Pharmaceutical Co. şirkətindən verilən məlumata görə, tərkibində qırmızı düyü mayası olan “Beni-koji”ni qəbul edən daha 2 nəfər ölüb. Mərhumlarda böyrək xəstəliyinin əlamətləri olduğu bildirilərkən, onlardan birinin 2021-ci ildən, digərinin isə 2022-ci ildən bu dərmanlardan istifadə etdiyi vurğulanıb.
Həyatını itirənlərin ölüm səbəblərinin müəyyən edilməsi üçün araşdırmaların davam etdiyi açıqlanıb.
Şirkət “Beni-koji” istehlak edən 100-dən çox insanın xəstəxanaya yerləşdirildiyini bəyan edib.