Bugun.tv xəbər verir ki, Somalinin Rabitə və Texnologiya naziri Jama Hasan Khalif “Tiktok” və “Telegram” sosial media platformalarının və mərc saytı “1XBET”in qadağan edilməsi qərarının Somali gənclərini qorumaq məqsədi daşıdığını bildirib.
Xəlif sosial media platformaları və mərc saytının qadağan qərarı ilə bağlı açıqlamalar verib. Hökumətin uzun müddətdir qadağa qərarı üzərində çalışdığını izah edən Xəlif, “Bu platformalar gənclərə və ictimaiyyətə mənfi təsir göstərir. Həm əxlaq, həm davranış, həm də din baxımından son dərəcə zərərlidir. Eyni zamanda bunlar platformalar təhlükəsizlik baxımından ciddi problemlər yaradır”, – deyə bildirib.