Bugun.tv xəbər verir ki, Cənubi Koreyanın müdafiə naziri Li Çen Supun açıqlamasına görə, kosmosa buraxılarkən Sarı dənizə düşən Şimali Koreya raketinin qalıqlarını çıxarmağa çalışırlar.
Həyata keçirilən əməliyyatların hələ 2 gün çəkəcəyi gözlənilir.
Raketin 15 metr uzunluğundakı hissəsinin dənizin 75 metr dərinliyində olduğunu bildirən Li, bütün parçaları toplamaq üçün diqqətlə təqib etdiklərini, lakin parçaların ağırlığı və su altında zəif görünmə səbəbiylə prosesin uzun sürdüyünü söyləyib.
Müdafiə naziri qeyd edib ki, Pxenyanın dünən uğursuz raket cəhdinə səbəb daşıyıcı sistemdəki nasazlıq olub. ABŞ və Birləşmiş Millətlər Təşkilatı (BMT) də Şimali Koreyanın ballistik raket texnologiyasından istifadə edərək hərbi casus peyki buraxmaq cəhdini pisləyib.
BMT Təhlükəsizlik Şurası Şimali Koreyanın nüvə silahı proqramına görə tətbiq etdiyi sanksiyalar çərçivəsində ona idarə olunan raket texnologiyası ilə buraxılışını qadağan edib.
Mənbə: TRT Haber