Almaniyanın Ştutqart şəhərində dörd nəfərlik Cessna C-172 təyyarəsi qəzaya uğrayıb. Qəza nəticəsində 2 nəfərin yaralandığı açıqlanıb.
Polisdən verilən açıqlamada, tək motorlu və pervaneli təyyarənin dünən günortadan sonra eniş zamanı qəzaya uğradığı, daha sonra hava limanının müvəqqəti olaraq uçuşlara bağlandığı bildirilib.
Açıqlamada pilotun yüngül xəsarət aldığı, 70 yaşlı sərnişinin isə ağır xəsarətlərlə xəstəxanaya yerləşdirildiyi və müalicəsinin davam etdiyi bildirilib. Eyni zamanda eniş zamanı havanın dumanlı və buludlu olduğu, qəzanın səbəblərinin araşdırıldığı bildirilib.
Qeyd edilib ki, hava limanı polisinin qəza yerində araşdırması davam edir.
Mənbə: HaberGlobal