Mütəxəssislərə görə, sağlam qocalmanı dəstəkləyən ən faydalı çörək növü cücərmiş dənlərdən hazırlanan çörəkdir.
Dietoloq Alisa Simpson bildirib ki, belə çörək adi rafinə olunmuş undan hazırlanan növlərlə müqayisədə daha qidalıdır. Onun tərkibində daha çox lif, zülal və mikroelementlər olur, həmçinin orqanizm tərəfindən daha asan mənimsənilir.
Bundan əlavə, tam taxıllı çörək və çovdar çörəyi də sağlamlıq üçün faydalı hesab olunur. Bu növlər həzm sisteminin düzgün işləməsinə kömək edir, uzun müddət toxluq hissi yaradır və maddələr mübadiləsini dəstəkləyir.
Ekspertlər tövsiyə edir ki, çörək seçərkən tərkibində əlavə şəkər az olan və yüksək dərəcədə emal olunmamış məhsullara üstünlük verilsin.
Mənbə: mail.ru