Bugun.tv– xəbər verir ki, siyasi ekspert Məhəmməd Əsədullazadə Ermənistan Baş naziri Nikol Paşinyanın Azərbaycan Prezidenti İlham Əliyevə telefon zəngi ilə bağlı sosial media hesabında paylaşım edib.
Ekspert hesab edir ki, iki ölkə arasında sülh mətninin paraflanmasının ildönümü münasibətilə baş tutan telefon danışığı Azərbaycan və Ermənistan arasında de-fakto sülhün formalaşdığını göstərir.
Məhəmməd Əsədullazadə qeyd edib ki, Azərbaycan və Ermənistan müstəqillik əldə etdikdən sonra uzun illər münaqişə vəziyyətində olublar və Paşinyanın İlham Əliyevə zəngi iki ölkənin liderləri arasında müstəqillik dövründə baş tutan ilk rəsmi telefon danışığıdır.
Ekspertin sözlərinə görə, Ermənistanın qarşısında əsas vəzifə Konstitusiya referendumunu keçirmək və yekun sülh müqaviləsini imzalamaqdır. O, Prezident İlham Əliyevin siyasəti nəticəsində Cənubi Qafqazda dayanıqlı sülhün formalaşdığını vurğulayıb.