İspaniyanın 2026 FIFA Dünya Kubokunda çempion olması Fələstin ərazilərində böyük sevinclə qarşılanıb. Al Jazeera-nın məlumatına görə, Qəzza zolağı və İordan çayının qərb sahilində minlərlə insan final qarşılaşmasını izlədikdən sonra küçələrə çıxaraq bayram edib.
Bildirilib ki, insanlar böyük ekranlar qarşısında toplaşıb, avtomobil karvanları təşkil edib və İspaniya bayraqları qaldıraraq komandanın qələbəsini qeyd ediblər. Bayram tədbirləri gecə saatlarınadək davam edib.
Məlumata görə, fələstinlilərin İspaniyanın qələbəsinə xüsusi rəğbət göstərməsinin səbəblərindən biri də Madridin son dövrdə Fələstinlə bağlı mövqeyi olub. Yerli sakinlər İspaniyanın Fələstin məsələsində nümayiş etdirdiyi siyasi yanaşmanı yüksək qiymətləndirdiklərini bildiriblər.
Al Jazeera qeyd edir ki, Dünya Kubokunun finalı yalnız idman hadisəsi kimi deyil, bəzi bölgələrdə siyasi və mənəvi dəstəyin simvolu kimi də qarşılanıb.
Mənbə: Aljazeera