ABŞ-ın İrana qarşı hərbi əməliyyatları doqquzuncu günündə də davam edir.
ABŞ qüvvələrinin İran ərazisində müxtəlif hədəflərə yeni zərbələr endirdiyi bildirilir.
İran isə Hörmüz boğazında iki neft tankerində partlayış baş verdiyini və onların hərəkətsiz qaldığını açıqlayıb. Rəsmi Tehran bölgədə davam edən hərbi əməliyyatlar fonunda enerji daşımalarının təhlükə altında olduğunu bildirib.
Hörmüz boğazı dünya neft ticarətinin ən strateji marşrutlarından biri hesab olunur. Analitiklərin fikrincə, bölgədə gərginliyin artması qlobal enerji bazarlarına və neft qiymətlərinə ciddi təsir göstərə bilər. Reuters-in məlumatına görə, təhlükəsizlik risklərinin yüksəlməsi səbəbindən bir sıra tanker şirkətləri boğaza daxil olmaqdan çəkinir.
Mütəxəssislər hesab edirlər ki, qarşıdurmanın genişlənməsi təkcə regionun deyil, dünya iqtisadiyyatının da sabitliyi üçün yeni risklər yarada bilər.
Mənbə: Reuters