53 yaşlı Göyçay rayon sakini Ruslan Süleymanov döyülərək müxtəlif dərəcəli bədən xəsarətləri alıb. Daha sonra göstərilən tibbi yardımlara baxmayaraq xəstəxanada dünyasını dəyişib. Hadisə ilə bağlı polisə məlumat daxil olub.
DİN-in Mətbuat Xidmətinin Şəki regional qrupundan Bugun.tv – yə verilən məlumata görə, ilkin araşdırma zamanı R.Süleymanovla qonşusu, 35 yaşlı İslam Şıxaliyev arasında şəxsi münasibətlər zəminində dava-dalaş olub. Hadisə zamanı sonuncunun küt alətlə R.Süleymanovun ölümünə səbəb olan xəsarətlər yetirdiyi müəyyən edilib. İ.Şıxaliyev polis əməkdaşları tərəfindən şübhəli şəxs qismində saxlanılıb. Daha sonra məhkəmənin qərarı ilə barəsində həbs qətimkan tədbiri seçilib.
Faktla bağlı cinayət işi başlanılıb.