Rusiyalı həkim Andrey Tyazhelnikov qadınların kişilərlə müqayisədə daha uzun ömür sürməsinin səbəblərindən biri kimi gündəlik fiziki aktivliyi göstərib.
Onun sözlərinə görə, kişilər adətən yeməkdən sonra istirahətə üstünlük verdiyi halda, qadınlar ev işləri ilə məşğul olur, xüsusilə qab yumaq kimi fəaliyyətlər fiziki hərəkətliliyi artırır.
Mütəxəssis bildirib ki, qida qəbulundan sonra müəyyən fiziki aktivlik vacibdir. Bu, qəbul edilən kalorilərin daha effektiv şəkildə sərf olunmasına və orqanizmdə maddələr mübadiləsinin yaxşılaşmasına kömək edir.
Həkim həmçinin gündəlik rasionla bağlı tövsiyələr də verib. Onun fikrincə, gündə ən azı 400 qram meyvə və tərəvəz istehlak etmək sağlam həyat tərzinin əsas şərtlərindən biridir.
Axşam saatlarında yeməkdən imtina ilə bağlı yayılan fikirlərə də münasibət bildirən Tyajelnikov qeyd edib ki, əsas məsələ yeməkdən dərhal sonra uzanmamaqdır.
Ekspert vurğulayıb ki, balanslı qidalanma və aktiv həyat tərzi uzunömürlülüyün əsas amilləri hesab olunur.
Mənbə: mail.ru