Həkim quru meyvələrin həm faydalı, həm də zərli ola biləcəyini bildirib.
Mail.ru Health-in məlumatına görə, mütəxəssis qeyd edir ki, quru meyvələr vitamin, mineral və lif baxımından zəngindir. Onlar həzmi yaxşılaşdırır, immuniteti gücləndirir və qəlyanaltı üçün əla seçimdir. Xurma, ərik qurusu və kişmiş dəmir və kaliumla zəngindir.
Lakin həkim xəbərdarlıq edir: quru meyvələrdə şəkərin miqdarı təzə meyvələrlə müqayisədə 5-7 dəfə çoxdur. Bu səbəbdən şəkərli diabet və artıq çəkisi olan insanlara gündə 30-40 qramdan artıq yemək məsləhət görülmür.
Digər problem isə istehsal zamanı əlavə olunan şəkər və kükürd qazıdır. Bəzi istehsalçılar məhsulun rəngini qorumaq və dadını artırmaq üçün konservantlardan istifadə edir. Bu da allergiya və mədə problemlərinə səbəb ola bilər.
Həkim tövsiyə edir: tərkibində əlavə şəkər olmayan, təbii qurudulmuş məhsullara üstünlük verin və porsiyaya nəzarət edin.
Mənbə: Mail.ru Health