Fitnes məşqçisi hər gün çömbəlmə etməyin əzələlər və oynaqlar üçün zərərli ola biləcəyini bildirib.
Mail.ru Health-in məlumatına görə, mütəxəssis qeyd edir ki, çömbəlmə bədənin ən faydalı əsas hərəkətlərindən biridir. O, ayaq, omba və kürək əzələlərini gücləndir, duruşu yaxşılaşdırır və maddələr mübadiləsini sürətləndirir.
Lakin hər gün eyni hərəkəti təkrarlamaq əks effekt verə bilər. Məşqçi izah edir ki, əzələlərə bərpa üçün vaxt lazımdır. Gündəlik çömbəlmə diz və topuq oynaqlarına həddindən artıq yük verir, bu da iltihab və ağrılara səbəb ola bilər.
Xüsusilə texnikanı düzgün bilməyənlər üçün risk daha yüksəkdir. Yanlış çömbəlmə bel və diz bağlarını zədələyə bilər.
Mütəxəssis həftədə 3-4 dəfə çömbəlmə etməyi, digər günlərdə isə uzanma və kardio ilə əvəzləməyi tövsiyə edir. Əsas odur ki, bədənə istirahət imkanı verilsin.
Mənbə: Mail.ru Health