Bugun.tv– xəbər verir ki, İlham Əliyev ilə Volodimir Zelenski arasında telefon danışığı baş tutub.
Məlumata görə, söhbət zamanı tərəflər Azərbaycan ilə Ukrayna arasında münasibətlərin inkişafında müşahidə olunan müsbət dinamikanı məmnunluqla qeyd ediblər.
Telefon danışığında, həmçinin, daha əvvəl Qəbələdə keçirilmiş görüş zamanı müzakirə olunan məsələlər ətrafında fikir mübadiləsi aparılıb. Prezidentlər həmin görüşdə gündəmə gətirilən mövzuların ikitərəfli əməkdaşlıq çərçivəsində həyata keçirilməsinin vacibliyini vurğulayıblar.
Söhbət zamanı Azərbaycan ilə Ukrayna arasında qarşılıqlı maraq doğuran məsələlər və ikitərəfli gündəliyin aktual istiqamətləri də diqqət mərkəzində olub.
Mənbə: prezident.az