Reuters agentliyinin 6 Avqustda yaydığı eksklüziv xəbərə görə İran Körfəz ölkələrinə rəsmi xəbərdarlıq göndərib. Məktubda bildirilir ki, əgər ABŞ İrana qarşı yeni hərbi əməliyyat başlatsa, cavab zərbələri Körfəz ölkələrinin ərazisinə və neft obyektlərinə yönələcək.
İran diplomatik kanallarla Qətər və Səudiyyə Ərəbistanından ABŞ administrasiyasına təzyiqi dayandırması üçün təsir göstərməyi xahiş edib. Mənbələrin sözlərinə görə Tehran “müharibənin genişlənməsini istəmir, amma müdafiə olunacaq” mesajını verib.
Bu xəbərdən sonra beynəlxalq bazarda neftin qiyməti yenidən qalxdı. Brent markalı neft 1 bareli 80 dollara yaxınlaşdı. Ekspertlər deyir ki, Qırmızı dəniz və Hormuz boğazında gəmi hücumları davam etdiyi üçün bazar hələ də gərgindir.
Hazırda Vaşinqton və Tehran arasında birbaşa danışıq yoxdur. Körfəz ölkələri isə vəziyyəti sakitləşdirmək üçün vasitəçilik etməyə çalışır.
Mənbə: Reuters