Bugun.tv xarici mənbələrə istinadən xəbər verir ki, bu gün ABŞ birjalarında fərqli mənzərə olub.
Belə ki, Dow Jones indeksi 0.2% artaraq ardıcıl 4-cü dəfə rekord bağlayıb. Buna səbəb bank və sənaye şirkətlərinin bahalaşması olub. Amma texnologiya şirkətlərinin toplandığı Nasdaq indeksi 0.6% ucuzlaşıb. Səbəb iki böyük yaddaş çip istehsalçısı – Western Digital və Sandisk-in gözləniləndən pis rüblük gəlir açıqlaması olub. Hesabatdan sonra bu şirkətlərin səhmləri 8%-dən çox ucuzlaşdı. Onların ardınca digər texnoloji şirkətlər də aşağı getdi.
Analitiklər deyir ki, investorlar indi iki şeyə baxır: bir tərəfdən ABŞ iqtisadiyyatı hələ güclüdür, o biri tərəfdən isə Yaxın Şərqdə gərginlik neftin qiymətini qaldırır. Bu gün 1 barel neft 78 dollara, 1 unsiya qızıl 4315 dollara satıldı. Bitcoin isə 64 min dollar ətrafında qaldı.
Bazar sabah ABŞ-ın işsizlik məlumatlarını gözləyir.
Mənbə: World News