Dünya

İsrailin hücumları nəticəsində 12 su quyusu məhv edildi

İsrailin Qəzza zolağının mərkəzi hissəsində yerləşən Nuseyrat Qaçqınlar Düşərgəsinə hücumları zamanı 12 su quyusu, 2 sutəmizləyici qurğu və minlərlə metr su şəbəkəsinin məhv edildiyi bildirilib.

Nuseyrat Qaçqınlar Düşərgəsi Bələdiyyəsindən verilən yazılı açıqlamada İsrailin hücumlarının yerli xalqı su, kanalizasiya, zibil toplama kimi ən sadə insani xidmətlərdən belə məhrum etdiyi və bu vəziyyətin yoluxucu xəstəliklərin yayılmasına səbəb olduğu bildirilib.

Bildirilib ki, İsrailin hücumları zamanı düşərgədə və onun ətrafında 12 su quyusu, 2 sutəmizləyici qurğu, 15 su çəni və təxminən 5 min metr su şəbəkəsi məhv edilib.

Açıqlamada bölgəyə çox az yanacağın çatdığı, bu səbəbdən suyun təmizlənməsi, kanalizasiya, zibil toplama kimi xidmətlərin göstərilə bilmədiyi, çirkab suların küçələrə sızdığı, 22 min ton zibilin küçələrə yığıldığı bildirilib.

İsrailin 7 oktyabr 2023-cü ildən bəri davam edən hücumları səbəbindən Qəzza zolağında su böhranı günü-gündən dərinləşir.

İsrailin su quyularını və infrastrukturu bombalaması, eləcə də hücumların əvvəlində elektrik, su və yanacağın kəsilməsinə qərar verməsi nəticəsində Qəzza zolağındakı fələstinlilər su böhranı ilə üzləşib.

Qəzza zolağında böyük humanitar fəlakət baş verir

İsrail ordusu 2,3 ​​milyon əhalisi olan Qəzza zolağında 2023-cü il oktyabrın 7-dən bu yana hücumlarını davam etdirərək, məcburi köçkün fələstinlilərin sığındığı mülki yaşayış məntəqələrini, xəstəxanaları, məktəbləri və sığınacaq mərkəzlərini hədəf alaraq, həmçinin humanitar yardımların girişini əngəlləyir. Yardım və insanları aclıq və susuzluğa məhkum edən böyük bir humanitar fəlakət baş verir.

Beynəlxalq dairələr, xüsusilə də Birləşmiş Millətlər (BMT) təşkilatları, aclıq, susuzluq və gigiyena materiallarının olmaması səbəbindən yaranan xəstəliklər səbəbiylə Qəzzada atəşkəs və bölgəyə humanitar yardımların daxil olmasını artırmağa çağırır. Həmçinin tibbi ləvazimat çatışmazlığı var.

Mənbə: TrtHaber

Aynur Camal

Oxşar xəbərlər

Fabrikdə partlayış: 1 nəfər öldü, 4 nəfər yaralandı

Aynur Camal

Nazir Koca: COVID-19-un yeni variantı Türkiyədə görülməyib

Kəmalə Sultan

Livandan raket hücumu nəticəsində 1 İsrail əsgəri həlak oldu

Bugün TV

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu