Bugun.tv xəbər verir ki, alimlər iyun ayında Günəş aktivliyinin artacağı və bunun nəticəsində Yerə təsir göstərə biləcək maqnit qasırğalarının baş verə biləcəyi barədə xəbərdarlıq ediblər.
Məlumata görə, Günəş səthində müşahidə olunan aktiv bölgələr və böyük günəş ləkələri geomaqnit fəallığın yüksəlməsinə səbəb ola bilər. Mütəxəssislər bəzi günlərdə orta və güclü maqnit qasırğalarının qeydə alınacağını istisna etmirlər.
Həkimlər xüsusilə ürək-damar xəstəliklərindən əziyyət çəkən şəxslərə, yaşlı insanlara və hava dəyişikliklərinə həssas olanlara səhhətlərinə diqqət yetirməyi tövsiyə edirlər.
Qeyd olunur ki, maqnit qasırğaları bəzi insanlarda baş ağrısı, yorğunluq, yuxusuzluq və təzyiq dəyişiklikləri ilə müşayiət oluna bilər.
Mənbə: mail.ru