Bugun.tv xəbər verir ki, Hindistan mayın 8-də Racastan ştatında 3 nəfərin ölümü ilə nəticələnən qəzadan sonra keçmiş Sovet İttifaqı istehsalı olan MiQ-21 döyüş təyyarələrindən ibarət donanmasını müvəqqəti istifadə etməmək qərarına gəlib.
Bu çərçivədə 50 döyüş təyyarəsindən ibarət MiQ-21 donanmasının müvəqqəti olaraq istifadəsi dayandırılıb.
Hindistan Hərbi Hava Qüvvələri həm Rusiya, həm də NATO-ya üzv ölkələrin istehsalı olan döyüş təyyarələrindən istifadə etsə də, son vaxtlar diqqətini NATO üzvü olan ölkələrin təyyarələrinə yönəltməyə başlayıb.
Xatırladaq ki, mayın 8-də Racastanda MiQ-21 qırıcı təyyarəsinin qəzaya uğraması nəticəsində 3 nəfər həlak olub, pilot sağ qalıb.
Mənbə: İLKHA