Bugun.tv xəbər verir ki, Kubanın paytaxtı Havana şəhərində davam edən elektrik kəsintiləri, yanacaq çatışmazlığı və su qıtlığı sakinlərin etirazına səbəb olub. Yerli məlumatlara görə, Havana şəhərinin Buenavista məhəlləsində yaşayan sakinlər gecə saatlarında küçələrə çıxaraq uzunmüddətli enerji böhranına etiraz ediblər.
Bildirilib ki, etirazçılar gündəlik həyatın getdikcə çətinləşdiyini diqqətə çatdırmaq üçün küçədə tonqal qalayıb və yaranmış vəziyyətə diqqət çəkməyə çalışıblar. Ölkədə yanacaq çatışmazlığı səbəbindən zibil maşınlarının fəaliyyətində də problemlər yaranıb. Nəticədə bəzi yaşayış məntəqələrində tullantılar uzun müddət yığılmadan qalır.
Mütəxəssislər qeyd edirlər ki, Kubada iqtisadi vəziyyətə ABŞ sanksiyaları, maliyyə çətinlikləri və turizm gəlirlərinin azalması təsir göstərir. Son illərdə ölkəyə gələn turistlərin sayının azalması iqtisadi böhranın daha da dərinləşməsinə səbəb olub.
Mənbə: Ensonhaber