ABŞ-da yerləşən Princess Cruises şirkətinə məxsus lüks kruiz gəmisinin sərnişinləri Yeni Zelandiya sahillərində qorxulu anlar yaşayıblar. Dalğalar səbəbindən 14 dərəcə əyilən gəmidə 16 sərnişin və ekipaj üzvü xəsarət alıb. Fevralın 25-də Yeni Zelandiyanın Cənubi adası yaxınlığındakı Milford Sounddan yola çıxan gəmi bir müddət sonra nəhəng dalğalarla mübarizə aparmağa başlayıb. Sosial mediada paylaşılan videolarda gəminin mətbəx işçilərinin avadanlıq və alətlər yıxılarkən dayanmaq üçün piştaxtalardan möhkəm yapışdığını görmək olar. Gəmidə 3 min 80 sərnişin və 1200 ekipaj üzvü olub. Yeddi günlük kruiz otağın ölçüsündən asılı olaraq adambaşına 1000-5000 dollar arasındadır.
Mənbə: HurriYet