Bugün.tv xəbər verir ki, Rumıniyanın Transgaz şirkətinin yaydığı bəyanata görə Rumıniya, Macarıstan və Slovakiyanın milli təbii qaz nəqli sisteminin operatorları mavi yanacağın inteqrasiya olunmuş qaz kəmərləri şəbəkəsi vasitəsilə çatdırılması təklifi ilə çıxış ediblər.
“Bulgartransgaz, Transgaz, FGSZ və Eustream mövcud şəbəkələri vasitəsilə əlavə həcmdə təbii qaz nəql etməklə Avropa İttifaqı və Azərbaycan arasında əməkdaşlığı genişləndirmək üçün birgə işləməyi təklif edirlər”- bəyanatda vurğulanıb.
Qeyd olunub ki, bu təşəbbüs vasitəsilə Şərqi, Mərkəzi və Qərbi Avropaya ildə beş milyard kubmetrədək təbii qazın sürətlə çatdırılmasına kömək edəcək.
