Zaqatala Rayon Polis Şöbəsinin əməkdaşları rayon ərazisində narkotiklərin qanunsuz dövriyyəsi ilə bağlı əməliyyat keçirib.
Daxili İşlər Nazirliyinin Mətbuat Xidmətinin Şəki regional qrupundan Bugun.tv-yə verilən məlumata görə, keçirilən tədbir zamanı üzərində narkotik vasitə daşımaqda şübhəli bilinən rayon sakini Cavanşir Muradov saxlanılıb. Ondan narkotik vasitə olan qurudulmuş marixuana aşkar edilərək götürülüb.
C.Muradov ifadəsində narkotiklərin qanunsuz dövriyyəsi ilə məşğul olduğunu etiraf edib.
Faktla bağlı rayon polis şöbəsində cinayət işi başlanılıb. C.Muradovun ətrafında istintaq-əməliyyat tədbirləri davam etdirilir.