Bugun.tv xəbər verir ki, Özbəkistan Respublikasının kollektivi Abşeron rayon Mədəniyyət Mərkəzində konsert proqramı ilə çıxış ediblər
Abşeron rayon İcra Hakimiyyətinin təşəbbüsü, Sumqayıt Regional Mədəniyyət İdarəsinə tabeli Abşeron rayon Mədəniyyət Mərkəzinin təşkilatçılığı ilə Ümummilli lider Heydər Əliyevin 100 illik yubileyinə həsr olunan “Mən fəxr edirəm ki, Azərbaycanlıyam” adlı uşaq və gənclərin rəqs festivalı keçirilib. Festivala Özbəkistan Respublikasından və ölkəmizin rayon, şəhərlərindən rəqs kollektivləri qatılıblar.
Çıxış edən Abşeron rayon İcra Hakimiyyətinin başçısının müavini Gülnar Rəhimova və Sumqayıt Regional Mədəniyyət İdarəsinin rəis müavini İlham Əhmədov Ümummilli lider Heydər Əliyevin hər zaman xalqın mənəvi dəyərlərini, milli sərvətlərini qorumaq üçün mübarizə apardığını qeyd ediblər. Həmçinin Heydər Əliyevin ölkəmizə rəhbərlik etdiyi dövrlərdə daima mədəniyyət və incəsənətin inkişafına böyük qayğı və diqqət göstərdiyini, bütün bunların dahi liderin xalqina, millətinə sonsuz məhəbbətin təzahürü olduğu bildiriblər.
Qeyd edək ki, festivalın əsas məqsədi ölkəmizə təşrif buyuran qonaqları və gəncləri Ümummilli lider Heydər Əliyevin türk dünyasında gördüyü işlər haqqında məlumatlandirmaq, onları ölkəmizin mədəni tarixi abidələri ilə daha yaxından tanıs etmək olub. Festivalda rəqs kollektivlərinin bir-birindən maraqlı və rəngarəng çıxışları Abşeron rayon sakinləri tərəfindən böyük maraqla qarşılanıb. Sonda Özbəkistan Respublikası Daşkənd şəhəri “İstiqlol” ansamblının bədii rəhbəri Prjanova Masxura Tolubjonovna və Abşeron rayon İcra Hakimiyyətinin başçısının müavini Gülnar Rəhimova ölkərin dostluq münasibətlərinin daha da mohkəmlənməsi istiqamətində qarşılıqlı olaraq simvolik hədiyyələr təqdim ediblər.
Tədbirin sonunda Özbəkistan Respublikasının kollektivləri “Yanardağ” Dövlət Tarix-Mədəniyyət və Təbiət qoruğunu ziyarət ediblər. Sənətkarlarin əl işlərindən ibarət sərgi ilə tanış olan qonaqlara Yanardağın tarixi haqqında geniş məlumat verilib.