Bugun.tv xəbər verir ki, Azərbaycan Respublikasının Prezidenti İlham Əliyev 15 İyun – Milli Qurtuluş Günü münasibətilə rəsmi sosial media hesabında paylaşım edib.
Dövlət başçısının paylaşımında “15 İyun – Azərbaycan xalqının Milli Qurtuluş Günü” sözləri və mövzu ilə bağlı fotoşəkil yer alıb.
Qeyd edək ki, Milli Qurtuluş Günü Azərbaycan xalqının dövlətçilik tarixində mühüm əhəmiyyət daşıyan əlamətdar günlərdən biridir. 1993-cü il iyunun 15-də Ümummilli Lider Heydər Əliyev Azərbaycan Respublikası Ali Sovetinin Sədri seçilərək ölkədə siyasi sabitliyin və dövlətçiliyin qorunmasının əsasını qoyub. Həmin tarix sonradan Milli Qurtuluş Günü kimi təsis edilib və hər il ölkəmizdə qeyd olunur.
