Bugun.tv xəbər verir ki, psixoloqların fikrincə, insanların həyatına aid kiçik detalları uzun müddət yadda saxlamaq təkcə güclü yaddaşın deyil, həm də yüksək emosional zəkanın və empati qabiliyyətinin göstəricisidir.
Araşdırmalara görə, bir dostun vacib tarixini, ev heyvanının adını və ya həftələr əvvəl deyilmiş sadə bir cümləni xatırlayan insanlar adətən qarşı tərəfə daha diqqətlə qulaq asır və onun hisslərinə daha həssas yanaşırlar.
Mütəxəssislər bildirirlər ki, bu xüsusiyyət sosial münasibətlərdə etimadın formalaşmasına kömək edir, insanlar arasında daha səmimi və möhkəm əlaqələrin qurulmasını asanlaşdırır.
Psixoloqların sözlərinə görə, başqaları haqqında xırda detalları unutmayan şəxslər güclü dinləmə bacarığına malik olur, insanların emosiyalarını daha yaxşı anlayır və ətrafdakılar tərəfindən daha etibarlı hesab edilirlər.
Ekspertlər vurğulayırlar ki, empati hissi güclü olan insanlar söhbət zamanı əldə etdikləri məlumatları daha diqqətlə emal etdikləri üçün həmin məlumatlar onların yaddaşında daha uzun müddət qalır.
Mənbə: Ensonhaber