Alimlər qadınlarda yaşlanma prosesinə təsir edən gözlənilməz amili müəyyən ediblər. Araşdırmalar göstərib ki, davamlı qorxu və narahatlıq hissi orqanizmdə bioloji yaşlanmanı sürətləndirə bilər. Mütəxəssislərin fikrincə, stress və gərginlik uzun müddət davam etdikdə bu, insan bədənində hormonal tarazlığı pozur, immun sistemini zəiflədir və hüceyrələrin yenilənmə prosesinə mənfi təsir göstərir.
Tədqiqatçılar bildiriblər ki, narahatlıq vəziyyətində orqanizmdə kortizol kimi stress hormonlarının səviyyəsi yüksəlir və bu da hüceyrələrin daha tez zədələnməsinə səbəb olur. Nəticədə qadınlarda həm xarici görünüşdə dəyişikliklər, həm də daxili orqanların funksiyalarında zəifləmə müşahidə oluna bilər.
Alimlər qadınlara psixoloji sağlamlığa xüsusi diqqət yetirməyi, stressi azaltmaq üçün istirahət, fiziki aktivlik və sağlam həyat tərzi vərdişlərini tövsiyə edirlər.
Mənbə: Gazeta.ru