Bugun.tv xəbər verir ki, qastroenteroloq Sergey Vyalov iki boşqab yeməyin sağlamlıq üçün mütləq zərərli olması ilə bağlı yayılmış fikrin doğru olmadığını bildirib. Onun sözlərinə görə, porsiyanın həcmi nəzərə alındıqda bu miqdar böyüklər üçün normal hesab edilə bilər.
Həkim izah edib ki, standart bir boşqab təxminən 250 qram yemək tutur. Bu səbəbdən iki boşqab ümumilikdə 500 qram təşkil edir ki, bu da bir dəfəyə qəbul edilən normal qida həcmi sayılır. O bildirib ki, belə miqdarda qida mədənin həddindən artıq genişlənməsinə səbəb olmur və insanda normal toxluq hissi yaradır.
Bununla belə, mütəxəssis xəbərdarlıq edib ki, üçüncü porsiya artıq orqanizm üçün əlavə yük yarada bilər. Xüsusilə desertin əlavə edilməsi gündəlik kalori qəbulunu artırır və mədədə ağırlıq hissinə səbəb ola bilər.
Sergey Vyalov vurğulayıb ki, sağlam qidalanmada əsas məsələ boşqabların sayı deyil, porsiyanın ölçüsü, qidanın tərkibi və insanın gündəlik enerji tələbatına uyğun qidalanmasıdır.
Mənbə: mail.ru